BERAT

Situatë e tensionuar është regjistruar edhe në në KZAZ Nr.64 në Berat, pas kërkesës së kryetarit të bashkisë për lirimin e ambjenteve në zbatim të dekretit të presidentit të Republikës.


Policia e Beratit, e bërë gardh pranë KZAZ, ka penguar përfaqësues e mbështetës të opozitës të hyjnë në ambjentet e KZAZ –së .



Përplasje janë shënuar ndërsa mbështetës të opozitës kanë tentuar të thyejnë kordonin e policisë për të hyrë brenda ambjenteve të KZAZ nr. 64, e cila ndodhet brenda ambjenteve të Pallatit të Kulturës në Berat. Në krye të protestuesve është i derguari i kryesisë së PD-së për Qarkun e Beratit dhe njëkohëshisht anëtar i kryesisë së PDHS-së,Eno Bozdo. Në mbështetje të forcave të Rendit, në Berat kanë zbarkuar edhe punonjës të FNSH.

(BalkanWeb)