Mitropolia e Shenjtë e Apollonisë dhe e Fierit ka reaguar, pasi kanditati për kryetar bashkie i Tepelenës Tërmet Peçi mbajti fjalim politik në një Kishë.

Në reagimin e mitropolisë, thuhet se mbledhja politike në ambjentet e Kishës është bërë pa leje dhe pa dijeni. Më tej saktësohet se pushteti politik dhe vendor, si edhe nga të gjitha forcat politike, shoqata apo individë, duhet që të mos përdorin Kishat dhe Tempujt e Shenjtë për deklarata, mbledhje apo mitingje politike.

Reagimi i Miitropolisë të Shenjt6ë të Apollonisë dhe Fierit:

DEKLARATË

Duke marrë shkas nga një emision i dhënë në ERTV, dhe nga qarkullimi i këtij emisioni në rrjetet sociale, ku një kandidate për Kryetare Bashkie jep një intervistë në ambjentet e një Kishe, pa dijeninë dhe lejen tonë, kërkojmë nga pushteti politik dhe vendor, si edhe nga të gjitha forcat politike, shoqata apo individë, që të mos përdorin Kishat dhe Tempujt e Shenjtë për deklarata, mbledhje apo mitingje politike.

Përdorimi i tyre për motive të tilla përbën së pari një Sakrilegj ndaj vendeve të Shenjta dhe fyerje të ndjenjave të besimtarëve, pasi ato janë vend lutje dhe adhurimi. Së dyti, përbën shkelje të “Marrëveshjes ndërmjet Këshillit të Ministrave të Republikës së Shqipërisë dhe Kishës Orthodhokse Autoqefale të Shqipërisë” (Ligji nr. 10 057 Date 22.01.2009). Pikërisht, neni 21 dhe 23 i këtij ligji ndalon ndërhyrjen dhe përdorimin e objekteve fetare nga autoritetet shtetërore, me përjashtim të urdhërit ekzekutiv, pasi është marrë pëlqimi nga Kisha Orthodhokse Autoqefale e Shqipërisë.

(d.xh/Balkanweb)