KORÇË
Kryeministri Edi Rama ka zhvilluar një inspektim në Floq të Korçës, aty ku një numër i madh banesash u shkatërruan dhe disa të tjera u dëmtuan nga tërmeti i 1 qershorit, i cili shkaktoi jo pak frikë e panik në popullatë.
Shefi i qeverisë në bashkëbisedim ne banorët theksoi se objektivi i qeverisë që ai drejton është që dimri të mos gjejë asnjë familje në tenda emergjencash, por të akomodohen në shtëpitë e tyre.
““Më vjen shumë mirë që ka nisur hapja e dyerve. Kemi punë akoma, por objektivi është që para dimrit të mos ketë më njeri në tenda. Kryesorja është që dimri, era, shiu, i ftohti të mos i kapë njerëzit nëpër tenda. Në fakt kemi bërë dy fonde, një fond solidariteti të bashkive të tjera që ishin të socialistëve, dhe një fond nga fondi i fushatës të PS. Gjithashtu edhe kompanitë kanë ndërmarrë përgjegjësi sociale për të dhënë një ndihmë. Kështu që faktikisht është bërë një fond kompleks”-theksoi Rama.
Gjatë takimit, kreu i ekzekutivit ka shkëmbyer edhe batuta me banorët e Floqit.
Biseda mes Ramës dhe banores:
Banorja: Zoti kryeministër unë vetëm nga ty pres. Kam ato shtëpitë aty ngjyrë blu, por më thonë se nuk do t’i bëjnë se janë ngjyrë blu.
Rama: Jo moj pse, ngjyra blu është e bukur