Kompanitë e mëdha të teknologjisë si Google dhe Apple në mënyrë të ngadaltë por të sigurt janë duke kuptuar se njerëzit janë të varur nga telefonat e tyre – dhe se nuk është gjë e mirë.

Të dy kompanitë po sjellin karakteristika që synojnë t’i ndihmojnë njerëzit të gjurmojnë sa kohë kalojnë në pajisjet e tyre – dhe përpjekja më e fundit nga Google për të ndihmuar njerëzit të ndjekin përdorimin e tyre vjen në formën e një seksioni të ri “Kohëzgjatja” në aplikacionin YouTube, integrim me tiparin Digital Wellbeing të Android.

Në sektorin Time Watched të aplikacionit YouTube, i cili është i disponueshëm në të dyja versionet e iOS dhe Android të aplikacionit, mund të shihni se sa kohë keni kaluar duke parë videot në atë ditë të veçantë, ditën e parë dhe në 7 ditët e kaluara.

Ju gjithashtu do të merrni një mesatare ditore. Statistikat nuk rrjedhin vetëm nga koha e kaluar duke parë videot në telefon – kur shikoni videot në YouTube dhe jeni të futur në llogarinë tuaj të Google nga një komputer, të dhënat do të llogariten në statistika. Megjithatë, YouTube Music dhe YouTube TV nuk janë të përfshira.

“Qëllimi ynë është që të japim një kuptim më të mirë të kohës së kaluar në YouTube, kështu që mund të marrësh vendime të informuara se si dëshiron që YouTube të përshtatet më së miri në jetën tënde”, tha Google në postimin në blog-un e tyre, raporton tg.

Për të gjetur menunë Time Watched në aplikacionin YouTube, thjesht drejtohuni te menyja e Llogarisë (Account) duke klikoni në figurën tuaj të profilit në këndin e sipërm të djathtë. Pastaj klikoni opsionin Time Watched, dhe ju duhet të jeni në gjendje të shihni statistikat tuaja.

Google po premton gjithashtu se Digital Wellbeing në Android, e cila është aktualisht në beta, do të jetë në gjendje të lidhet me Time Watched në aplikacionin YouTube.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: