Fitorja e fundit e Tiranës ndaj Bylisit shënohet në 21 janar 2023, kur bardheblutë shkatërronin 4-1 miqtë. Ishte ndeshja e fundit e Redon Xhixhës me Tiranën. Bardheblutë kanë rreth dy vite që nuk triumfojnë ndaj ballshiotëve.Në takimin e fundit të luajtur në 11 shtator 2024, Bylisi dhe Tirana ndanë nga një pikë në një barazim spektakolar. Gola të bukur, përmbysje dhe baraspeshë në sekondën e fundit të lojës, ishte 100-minutëshi i Ballshit. Ishin vendësit ata të cilët kaluan në avantazh me roveshatën e Përgjonit në pjesën e parë dhe ruajtën epërsinë deri në minutat e fundit të ndeshjes. Në minutën e 83-të protagonist u bë Ndreca, i cili barazoi rezultatin me një parabël mbi portieri Hasanbelli e më pas përmbysi shifrat vetëm 4 minuta para fundit të kohës së rregullt.

Dukej se Tirana po merrte fitoren e parë në këtë kampionat, por ishte përsëri një roveshatë që prishi planet e saj, këtë herë nga Ruçi në minutën e 5-të shtesë, për të vulosur barazimin 2-2 përfundimtar të kësaj sfide.