Sot, rrugët e kryeqytetit u pushtuan nga entuziazmi dhe adrenalina e pjesëmarrësve të Maratonës së Tiranës 2024. Eventi sportiv që është bërë një traditë e dashur për qytetarët, mblodhi qindra garues vendas dhe të huaj, të cilët sfiduan veten.
Por, përveç garës, ishin momentet e veçanta dhe të papritura që tërhoqën vëmendjen e të pranishmëve dhe kamerave. Nga vrapues me veshje të pazakonta, të cilët sollën humor dhe ngjyra në këtë event, deri tek fotot emocionuese të fëmijëve që mbështesnin me flamuj e pankarta prindërit e tyre nga ana e rrugës, maratona e këtij viti ofroi skena të paharrueshme.
Ndërkaq, në fund të garës, pati përqafime dhe lot gëzimi midis fituesve dhe mbështetësve të tyre, duke përmbyllur një ditë të mbushur me emocione.
Maratona e Tiranës vazhdon të jetë jo vetëm një garë sportive, por edhe një festë për të gjithë qytetarët, me fotot pikante që do të mbeten gjatë në kujtesën e pjesëmarrësve dhe ndjekësve të saj.
(Balkanweb)
