Tirana do të luajë këtë të diel përballë Skënderbeut sfidën e vlefshme për javën e 7-të të “Abissnet Superiore”. Përballja që do të zhvillohet në stadiumin “Air Albania”, do të startojë në orën 19:00.

Pavarësisht formës momentale dhe “abonimit” me barazimet, kryeqytetasit mund të jenë paksa më të favorizuar. Kjo edhe për shkak të së shkuarës, ku në 162 përballje, Tirana ka fituar plot 73.

Në anën tjetër, Skënderbeu ka triumfuar vetëm 37 herë, ndërsa 52 ndeshje mes këtyre dy ekipeve kanë përfunduar në barazim.

Një sfidë mjaft interesante, me ekipet që kërkojnë 3 pikët medoemos. Bardheblutë kërkojnë fitoren e parë për këtë sezon, pasi vijnë pas 6 barazimesh radhazi. Në krahun tjetër, korçarët kanë vetëm 1 pikë më shumë se Tirana e vendin të 8-të, e cila ka 6 të tilla