100 vjetori i themelimit të klubit është një vit unik, një mundësi e shkëlqyer për të motivuar më shumë presidentin Halili, stafin drejtues, futbollistët dhe tifozët. Ky duket sezoni i duhur për të rikthyer Tiranën aty ku i takon, në majën e tabelës së klasifikimit. Gjithçka në shtëpinë e 24-herë kampionëve rrotullohet rreth këtij objektivi.

Kale Torasa
Kale Torasa

Pasi zyrtarizuan arritjen e marrëveshjes me tre futbollistë cilësorë, si Kale, Torasa dhe Batha, Tirana rinovoi kontratën me Majkëll Ngoo dhe Eni Imamin por fushata e transferimeve nuk përfundon këtu. Në sezonin e ri trajneri Mema do të ketë në dispozicion një tjetër sulmues pasi stafi drejtues ka mbyllur marrëveshjes me Ismael Dunga.

Dunga
Dunga

Ish sulmuesi i Luftëtari pasi zgjidhi gjithçka me klubin gjirokastrit ka zbarkuar në kryeqytet duke nënshkruar një kontratë të re me klubin bardheblu. Sulmuesi nga Kenia e mbylli sezonin e fundit në kuotën e 10-të gola dhe konsiderohet si një përforcim cilësor.

Osmani
Osmani

Në dispozicion të Ardian Memës për sezonin e ri do të jetë dhe Tefik Osmami. Qendërmbrojtësi korçar, një nga lojtarët më ekspert të futbollit shqiptar, do ti bashkohet bardhebluve menjëherë pas përfundimit të aventurën të aventurës me Teutën në Europa League.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb