TIRANË- Ndryshime në radhët e drejtuesve të komisariateve të policisë në kryeqytet. Burime të News 24 bëjnë me dije se Engjëllush Avdyli është emëruar në krye të komisariatit nr.2. Avdyli zëvendëson këtu Ilir Prodën, i pezulluar tashmë nga detyra.
Më herët Engjëllush Avdyli kryente detyrën e shefit të Njësisë Shqiponja në Tiranë.
Vendin e tij në krye të Shqiponjave e ka zënë Vladimir Laska.
Në komisariatet e Tiranës ka pasur ndryshime edhe në radhët e shefave të rendit. Kështu, shefi i rendit të komisariatit nr.5, Qatip Bara është zëvendësuar në këtë detyrë nga Edmond Meshini, i cili më herët ka kryer këtë funksion pranë komisariatit nr.4.
(ma.ar/BalkanWeb)