Titulli mund të presë. Me mëndjen te Champions dhe me të gjitha energjitë të ruajtura për sfidën e kthimit kundër Manchester United, Barcelona u ndal në La Liga, duke i dhënë ndjekësve të saj mundësinë të ngushtojnë diferencën në tabelën e renditjes. Pa Lionel Mesin të dëmtuar dhe me shumë prej titullarëve të tjerë të lënë pushim, skuadra e Ernesto Valverde barazoi pa gola të shunën në fushën e Hueska të vendit të fundit.
Asnjë dramë, duke parë shkëputjen e katalunjasve në krye të klasifikimit, që vazhdon të jetë e konsiderueshme me nëntë pikë më shumë se Atletico Madrid. Ky i fundit pranoi dhuratën dhe zbuti distancën me fitoren e pastër 2-0 kundër Celta Vigo.
Grizman në pjesën e parë dhe Morata pas pushimit vulosën suksesin e skuadrës së tyre që blindon vendin e dytë në këtë sezon të La Ligas. Ndalesa e Barcelonës është një bonus edhe për rivalët e përjetshëm të Real Madrid, që objektiv të vetëm në këtë sezon kanë evitimin e një tjetër rekordi negativ historik, siç do të ishte mbyllja e kampionatit me më pak se 17 pikë nga vendi i parë.
Fitore të rëndësishme në këtë javë të La Liga siguruan edhe Valencia me Sevilla, që janë në një garë të fortë për një vend në Champions League sezonin e ardhshëm.
(balkanweb)