Dhe telashet nuk kanë të sosur!
Kjo mund të thuhet për banorët e Fushë Krujës, që pasi u izoluan për shkak të autostradës Thumanë-Kashar, e cila nuk ka asnjë nyje lidhëse (hyrje dalje) me rrugën e vjetër, tashmë duhet të paguajë një taksë po aq sa kalimi në autostradë, vetëm sepse mund të kalojnë në rrugën para një hoteli.
Denoncimi është një skandal dhe as më shumë dhe as më pak është një taksë e re për traun e vendosur nga një biznes privat, që të tarifon 2 euro nëse do zgjedhësh të përdorësh rrugën para biznesit të tij. Bëhet fjalë për Hotel Europa Park, që me apo pa bekimin e institucioneve, me apo pa të drejtë, të tarifon 2 euro.
![8f8caacc 2112 4d44 895c C50651b60412](https://www.balkanweb.com/wp-content/uploads/2024/08/8f8caacc-2112-4d44-895c-c50651b60412.jpeg)
![695ffbc4 B37e 403c 94e5 A3ccb4eb3521](https://www.balkanweb.com/wp-content/uploads/2024/08/695ffbc4-b37e-403c-94e5-a3ccb4eb3521.jpeg)
Trau i ri i vendosur tashmë është një tjetër izolim për banorët e Fushë Krujës.
![8cc4c9fe Fd41 41d3 Ac65 97c626eb56f6](https://www.balkanweb.com/wp-content/uploads/2024/08/8cc4c9fe-fd41-41d3-ac65-97c626eb56f6.jpeg)
Izolimin e parë 85 mijë banorëve të Fush Krujës, Thumanës, Krujës, Niklës dhe plot fshatrave të tjerë ua dha si dhuratë Belinda Balluku, ministrja e Infrastrukturës, bashkë me institucionin e varësisë, ARRSH. Pavarësisht se projekti i autostradës së re 21 km parashikonte 4 nyje lidhëse me rrugën ekzistuese, në fund rezultoi se nuk kishte asnjë dalje apo hyrje në autostradë, çka solli edhe protestat e banorëve të zonës.
E vetmja nyje lidhëse është 23 km, pra dy km më poshtë se gjatësia e autostradës, ndërsa banorët të shqetësuar shprehen se po falimentojnë bizneset, janë të izoluar dhe kërkojnë zgjidhje.
E ndërsa prisnin një përgjigje, sot përballen me dhuratën e dytë, taksën që një biznes ua vendos për rrugëkalimin para biznesit të tij.