Kapiteneria e Durrësit bën me dije se trageti i linjës Durrës-Bari ka bërë një kthim të detyruar rreth 3 orë pasi ishte nisur nga Porti me destinacion Italinë.
Gazetarja Klodjana Haxhiaj raporton për BalkanWeb se kthimi është bërë pasi një grua shtatzënë ka pësuar abort spontan teksa trageti ndodhej në det të hapur..
Pas kthimit të tragetit në radë, gruaja është dërguar në spitalin e Durrësit dhe ndodhet në duart e mjekëve.
Njoftim
Kapiteneria e Portit Durrës ju bën me dije se: Pas njoftimit të marrë në orën 15:50 nga Af Marina, e cila ishte nisur nga Porti i Durrësit në orën 13:00 (me dy korsi) në drejtim të Barit, për një emergjencë mjekësore (abort spontan) të një shtetaseje shqiptare, u urdhërua kthimi i tragetit në radë. Po ashtu, u vendos në gatishmëri rimorkiatori “Joni” për të shkuar në radë dhe marrë shtetasin e sëmurë.
Në bashkëpunim me autoritetet portuale, u vendos gjithashtu në gatishmëri ambulanca e APD-së për transportin e shtetases në spital.
Në orën 17:15, shtetasja me inicialet [shënoni inicialet] u ngarkua në bordin e rimorkiatorit M/S “Joni”, dhe në orën 18:00 ai hyri në port.
Në orën 18:05, shtetasja u ngarkua në ambulancë në terminalin e pasagjerëve për t’u transportuar në spital.
(BalkanWeb)
