Dy raste të vdekjes kanë ndodhur ditë më parë familjen Neziraj nga Dobidoli i Rahovecit të Kosovës, azilkërkues në Zvicër. Brenda pesë ditësh kanë ndërruar jetë Lirim Neziraj 20-vjeçar dhe babai i tij Hamëz Neziraj 62-vjeçar.


Siç merr vesh albinfo.ch nga burimet e afërta me familjen, më 21 shtator djali 20 vjeçar Lirim (Hamëz) Neziraj, i sëmurë nga epilepsia dhe autizmi, ka humbur jetën nën rrotat e trenit në Oerlikon të Cyrihut.


Qendra e azilit ku banonte familja Neziraj ishte shumë afër hekurudhës dhe ndër pikat e rralla ku nuk ka të vendosur ndonjë mburojë. Nga pikëllimi për humbejn e të birit, vetëm 5 ditë më vonë pëson sulm në tru dhe vdes edhe i ati, Hamëz Neziriaj i lindur në vitin 1967, ish luftëtar i UÇK-së, veteran i luftës.


Është e habitshme se si shtypi zviceran nuk e ka regjistruar me asnjë fjalë rastin tragjik të vdekjes aksidentale të të riut, ndërkohë që lajme edhe për aksidente shumë më të lehta gjejnë vend në mediat e këtushme. Tragjedia e rëndë e familjes Neziraj ka ngjallur dhembje dhe ndjenjën e solidaritetit të bashkatdhetarëve tanë me qëndrim në Zvicër.

Pak pas ngjarjes është iniciuar një aksion për grumbullimin e mjeteve për dërgimin e kufomave për varrim, në vendlindje. Për shkak të statusit të tyre si azilkërkues, pjesëtarët tjerë të familjes, nëna, një vajzë dhe një djalë, nuk lejohen të shkojnë në Kosovë për të marrë pjesë në varrim.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb