Në seancën e Kuvendit, tema kryesore ishte hetimi i tragjedisë në diskotekën PULSE në Koçan, ku u kërkua përgjigje nga Ministria e Punëve të Brendshme për mosfshirjen e funksionarëve aktualë në hetime. LSDM i kërkoi ministrit Pançe Toshkovski të shpjegonte pse nuk ishin marrë masa për të parandaluar tubimet në kabarenë, ku ndodhi tragjedia dhe ku ishin grumbulluar rreth 650 persona. Deputeti Mile Talevski theksoi se, sipas tij, MPB mbron njerëzit e afërt me VMRO-DPMNE-në, duke paraqitur një fotografi të Tomo Donev, eprorit të policisë kriminalistike, i cili merrte pjesë në ngjarje të partisë VMRO-DPMNE në Koçan.
Nga ana e tij, ministri Toshkovski theksoi se hetimet për rastin ishin në proces për 34 persona, përfshirë anëtarë të partive të ndryshme politike. Ai gjithashtu kujtoi se, në tragjeditë e mëparshme, MPB nuk kishte ngritur kallëzime penale. Ai i kujtoi LSDM-së disa raste të ngjashme ku nuk ishte marrë asnjë veprim nga ana e MPB-së, duke përmendur tragjeditë e Llaskarcës, BESA TRANS dhe spitalin modular, raporton Alsat M.
Ndërkohë, BDI kritikoi MPB-në për veprimet e saj në lidhje me kallëzimet penale, dhe deputeti Blerim Bexheti akuzoi institucione të ndryshme se kishin dështuar në detyrat e tyre, ndërsa Qeveria fokusohej vetëm te funksionarët e qeverisë së kaluar. Të dy partitë kërkuan dorëheqjen e ministrit Toshkovski, për arsye morale.
