Anis Mehmeti është një nga lojtarët më të mirë të Bristol Cityt. Futbollisti shqiptar ishte protagonist në ndeshjen e Championship ndaj Plymouth, ku shënoi dy gola dhe dhuroi një asist. Trajneri i Bristol,  Liam Manning, vlerësoi në maksimum Mehmetin.

“Të jemi të sinqertë, Anisi është lojtar i jashtëzakonshëm, ai e dashuron futbollin, kërkon gjithmonë të përmirësohet dhe po bëhet gjithmonë e më i mirë. Është shumë i rrezikshëm për kundërshtarin. Sigurisht që po ecën në drejtimin e duhur, por tani varet sesa do ta mbaj këtë nivel, sesi do të jetë vazhdimësia. Për momentin mund të them se duke parë Anis Mehmetin në vitin e kaluar dhe Mehmetin tani, ka bërë shumë përpara dhe po merr vendimet më të duhura”, tha Manning.

(J.S/BalkanWeb)