Trajneri i Crvena Zvezdës, Vladan Milojević, ka folur në konferencë për shtyp, në prag të ndeshjes së Champions kundër Interit. Milojević, theksoi faktin, se ndaj zikalërve duhet ndeshje perfekte.

“Po flasim për një ekip kampionësh, ata kanë shumë motivim për Champions League dhe për të gjitha objektivat që kanë. Ata kanë lojtarë cilësorë në të gjitha pozicionet, kanë përvojë të madhe ndërkombëtare.

Ata kanë vite që përdorin të njëjtin sistem dhe janë mësuar me të, kështu që mund të ndryshojnë lojtarë pavarësisht nga karakteristikat e tyre.

“Në këtë nivel, kur luan kundër skuadrave të mëdha, duhet të jesh i stabil për 90 minuta. Duhet koncentrim dhe disiplinë. Ndaj tyre na duhet ndeshje heroike” – tha ai.

(J.S/BalkanWeb)