Takimi i “Play-off” për Kupat e Europës në “Super League-n” e Greqisë mes Panathinaikos dhe PAOK e luajtur mbrëmë është ndërprerë për shkak të goditjes së trajnerit të miqve Vladimir Iviç i cili u shtri në fushë i gjakosur, raporton “Daily Mail”.
Në këtë takim nga minuta e parë startoi edhe mesfushori shqiptar Ergys Kaçe, por me fillimin e pjesës së dytë ai i la vendin holandezit Diego Biseswar, pak minuta para se sfida të merrte rrjedha që nuk kanë të bëjnë me fushën e lojës.
Situata e tensionuar nisi në minutën e 20-të pasi Panathinaikos kishte kaluar në avantazh. Futbollisti vendas Vlakodimos u ndëshkua me karton të kuq, ndërsa të njëjtin rrugë ndoqi edhe Uarda për miqtë.
? Vladimir Ivic, entrenador del PAOK Salónica, fue golpeado con una lata de cerveza durante el juego ante Panathinaiko. ??? pic.twitter.com/Rx50VtXBCc
— CANCHA (@reformacancha) May 17, 2017
Në minutën e 54-t, ndeshja u ndërpre, pasi trajneri Iviç u shtri në tokë, i gjakosur në kokë. Ai ishte goditur me një shishe nga tribuna ku gjendeshin tifozët e Panathinaikos, dhe ky incident i rëndë detyroi gjyqtarin që të ndërpriste ndeshjen.
Me këtë veprim nga ana e tifozëve është e pashmangshme humbja në tavolinë 0-3, por Panathinaikos rrezikon shumë pasi ndeshjet e mbetura me gjasë do t’i luaj pa praninë e mbështetësve. Kjo mund të ndikojë edhe në ecurinë e klubit.
(e.k/BalkanWeb)