Një sasi lënde plasëse ka shpërthyer mëngjesin e sotëm në një godinë bosh në rrugën dytësore “Tiranë-Vorë”.

Policia njoftoi se si pasojë janë shkaktuar vetëm dëme materiale.

Ndërkohë gazetari i News24, Igli Çelmeta, sqaron se godina ne fjalë është marrë qira nga Kozaku, personazh i njohur i TikTok, ku pritej të bënte një investim.

Gazetari bën të ditur se ende nuk dihen arsyet e shpërthimit, por policia po heton mbi konflikte të mundshme.

Për të zbardhur ngjarjen policia ka sekuestruar kamerat e sigurisë dhe po punohet për identifikimin e autorëve.

Kujtojmë që një vit më parë Kozakut i kanë shkrumbuar poshtë shtëpisë makinën luksoze GLE. Për ngjarjen hetimet zbuluan se qëndronte reperi i njohur si Cllevio Serbiano.

Njoftimi i Policisë

Më datë 05.01.2024, rreth orës 03:55, në një godinë boshe, në rrugën dytësore “Tiranë-Vorë”, dyshohet se ka shpërthyer sasi e vogël lëndë plasëse.

Si pasojë janë shkaktuar vetëm dëme materiale. Po punohet për sqarimin e rrethanave të ngjarjes.

Materialet i kaluan Prokurorisë.

(BalkanWeb)