KORÇË
Është rikthyer paniku i tërmeteve në qytetin e Korçës, këtë mëngjes.
Një lëkundje e fuqishme me magnitudë 5.2 i shkallës Rihter ka tronditur qytetin juglindor, në orën 06:25. Raportohet se epiqendra e tërmetit ka qenë në Boboshticë, ndërsa lëkundjet janë ndjerë edhe në zonat përreth.
Nga të dhënat e para, gazetarja Lorena Kodra raporton për “BalkanWeb” se nga tërmeti ka dëme materiale, ndërsa është krijuar dhe panik i madh te qytetarët.
Ndërkohë, lëkundjet janë ndjerë edhe në shumë qytete të tjera, si në Tiranë, Elbasan, Gjirokastër, por edhe në Greqi e Maqedoninë e Veriut.
(d.ç./BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
