Presidenti i SHBA-së, Donald Trump, është pritur në Kaliforni, në vendkalimin kufitar të Calexicos, me një balonë gjigante që dukej si Trumpi, por në formën e bebes, i cili fluturonte afër një pjese të re të murit me Meksikën ku presidenti po shkonte të inspektonte.

Balona ishte në qendër të një tubimi anti-Trump të organizuar nga rreth 80 persona pranë një pjese të ndërtimeve të murit kufitar.

Roseana Martinez, 19 vjeçare nga Chula Vista, San Diego, ka thënë se presidenti Trump duhet t’i shohë dhe t’i trajtojë ata si njerëz.

“Unë vetëm dua që ai të na dëgjojë dhe të na shohë si njerëz. Ne nuk jemi dhunues, nuk jemi të tmerrshëm, nuk jemi kafshë, ne jemi njerëz, siç është edhe ai”, ka thënë ajo.

Raul Quesada, 63 vjeçar, ka thënë se është kundër keqtrajtimit të emigrantëve.

“Unë erdha në protestë sepse nuk pajtohem si i trajtojnë familjet ilegale, ata i ndalojnë familjet dhe fëmijët e tyre, unë mendoj që kjo nuk është e drejtë, kjo nuk duhet të ndodhë. Ne duam që ata të trajtohen më mirë dhe t’i bashkojnë fëmijët që janë ndarë nga familjet e tyre”, ka thënë ai.

 

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb