Gazetari Robert Papa, në një intervistë me Skype në News 24 komentoi fitoren e Donald Trump në zgjedhjet amerikane.
Papa tha se Trump në mandatin e dytë ka zgjedhur njerëz vërtetë me vlera dhe se presidenca e tij mund të ngjajë me atë të Ronald Reagan. Ai u shpreh se shpreson që konflikti në Ukrainë të mbarojë. Sipas Papës, Trump mund të mbajë pozicion pro Izraelit, pasi të gjithë presidentët amerikanë veprojnë kështu.
Robert Papa: Kam besim se Trump në mandatin e dytë do të ngjajë me Ronald Reagan. Trump do të vlerësojë njerëzit që e mbështetën. Trump sillet hapur fare edhe me Makron, edhe me liderët e tjerë të Europës e botës. Trump nuk ka shumë diplomaci, thotë ato që mendon. Ka ca aludime për lidhje me Putin, por në fund të fundit Rusia është fuqia e dytë bërthamore. Trump edhe ka vendosur sanksione ndaj Rusisë.
Konflikti në Ukrainë duhet të mbarojë, ndërsa Izraelin besoj se Trump do ta mbështesë. Do e mbështesë Izraelin, sepse këtë e bën çdo president amerikan. Akuzat ndaj Trump besoj do të bien, sepse vendosi populli, e zgjodhi populli. Elon Musk u bë me Trump, sepse e nuhati se me të majtën do të shkatërrohej. Shqipëria e Kosova janë ‘tokë’ e politikës amerikane e kjo nuk do ndryshojë, duhet të jemi krenarë për këtë.
(Balkanweb)
