SHBA ka nisur një valë “vendimtare dhe të fuqishme” sulmesh ajrore ndaj rebelëve Houthi në Jemen.

Kështu ka deklaruar presidenti Donald Trump, duke përmendur si arsye sulmet e grupit të armatosur ndaj anijeve në Detin e Kuq.

“Të financuar nga Irani, banditët Houthi kanë gjuajtur raketa në aeroplanët amerikanë dhe kanë vënë në shënjestër trupat dhe aleatët tanë”, shkroi Trump në platformën e tij sociale “Truth”, duke shtuar se “pirateria, dhuna dhe terrorizmi” i tyre kishin kushtuar “miliarda dollarë” dhe kishin vënë jetë në rrezik.

Ministria e shëndetësisë e drejtuar nga Houthi tha se të paktën nëntë ishin vrarë dhe nëntë të tjerë u plagosën nga sulmet.

Grupi, i cili filloi të synonte anijet në përgjigje të pushtimit të Gazës nga Izraeli, u tha mediave arabe se do të vazhdonte sulmet e tij.