DIVJAKË


Kryeminisitri Edi Rama nga Divjaka u shpreh se ata që e quajnë vetën opozitarë nuk iu ka mbetur tjetër gjë, përpos se të tundin fantazmën e 1997. Rama shtoi se “katërshja” Berisha, Meta, Basha dhe Kryemadhi duan vetëm dhunë e kaos.


Përse duhet të ndodhë prapë 1997? Cilit popull i janë vjedhur paratë? Cili popull është vrarë? Kush është sot në rrugë? Ata që shkaktuan 1997, sot janë kaq të dëshpëruar sa i gënjen mendja se mund të tundin para popullit fantazmën e 1997 dhe mund të tmerrojnë dynjanë, dhe arrin deri aty siç Saliu e ka treguar se është i gatshëm ta çojë deri në zjarrvënie. Gjithë kjo fantazmë frike që sjellin vërdallë nëpër studio, tregon se janë të mbaruar.


Shqiptarët do të votojnë se nuk ka si të ketë 1997. Do përsërisja një këshillë që do i thoshte Elisa Spiropali, Mamica, kur tha nëse Meta do që Shqipëria mos të ketë probleme, mos yshti Monikën dhe Saliun. Nuk janë qindra e mijëra njerëz që janë ngritur si më 1997, por janë katër vetë, Iliri dhe ai tjetri, dhe fallxhorja me artistin. E gjitha kjo është llum në filxhanin e fallxhores dhe përpjekje e dëshpëruar për të penguar atë që ata nuk e pengojnë dot më, nuk e  pengojnë dot reformën në drejtësi, që kurrë nuk e kanë dashur. Hapja e negociatave po vazhdon dhe reforma në drejtësi do të shkojë deri në fund. Procesi i reformës në drejtësi është i pandalshëm. Janë kapur pas 30 qershorit për të bërë kaos. Thotë Iliri kam informacion nga shërbimet, që do të thotë se Monika ka parë numrin 30 me kokë poshtë”, deklaroi Rama.

(d.xh/Bakanweb)