Eduart Grishaj, regjisori i njohur shqiptar, ka sjellë një tjetër film, “Pasaporta.” Ky film trajton çështjet e identitetit, emigrimit, dhe sfidave që shqiptarët përballojnë gjatë përpjekjeve për të krijuar një jetë të re jashtë atdheut të tyre.

I ftuar në Fitstation në News24 ai ka treguar për moderatoren Çenkuela Hasa emocionet dhe takimet me shqiptarët kudo u shfaq filmi jashtë Shqipërisë.

“Europa ka qenë fantastike e gjitha por filmi flet më shumë për Amerikën dhe Kanadanë.
Unë e kisha për herë të parë që shkoja në Toronto dhe më ka bërë shumë përstypje, kishte shumë njerëz, rrinin në radhë për të ardhur në kinema dhe pse temperaturat ishin shumë të ulta. Ishte një vlerësim shumë i madh pasi është e vështirë, fatkeqësisht kinemaja nuk ka patur një zhvillim vitet e fundit pasi njerëzit janë mësuar ti shohin gjërat online dhe për të ardhur në kinema duhet të bëhen gati, të udhëtojnë me kilometra për të parë një film në kinema. Unë i vlerësoj dhe kjo më bën të punoj më shumë.
Por me “Pasaporta” turi vazhdon, me datë 31 ne jemi në Romë , me 12 në Dortmund dhe 13 në Stuttgart”, tha Grishaj për News24.