“Pasi kanë kaluar pothuajse mbi gjysmën e shekullit të 20-të të izoluar nga pjesa tjetër e botës, Shqipëria vazhdon të jetë toka e mistereve. Së fundmi ajo është kthyer në një destinacion tërheqës në itineraret e udhëtarëve europiane edhe për shkak të kostot së ulët që ofron”.
Kështu e nis rrëfimin e saj gazetarja Larissa Olenicoff e portalit prestigjioz ‘Lonely Planet’. Shpesh ky portal e promovon Shqipërinë me destinacionet e saj dhe duket se këtë herë janë zgjedhur qytete, si Shkodra, Kruja, Berati dhe Gjirokastra.
“Ndërsa “ toka e shqiponjave”, njihet më shumë për të kaluarën e errët komuniste (me ndërtimin e mbi 750,000 bunkerëve që ende janë provë e gjallë), ajo ka edhe një pasuri të madhe historike dhe kulturore. Mënyra më e mirë për të vizituar kështejllat e lashta, sitet e Trashëgimisë Kulyurore, muzetë etnografikë është të ndërmarrësh një udhëtim përmes rrjetit rrugor”, shkruan gazetarja.
Ajo sugjeron që ka shumë mënyra për ta bërë këtë. Fare mirë mund të merret një makinë me qira në kryeqytet, në Tiranë, ose mund ta bëni këtë në Podgoricë, në Mal të Zi që është edhe shteti fqinj ( sigurohuni që në të jetë i përfshirë siguracioni i makinës).
“Imazhi i Shqipërisë sa i përket sistemit rrugor nuk është edhe aq pozitiv, por nuk duhet ekzagjeruar. Janë bërë përmirësime të ndjeshme përgjatë viteve të fundit. Në një udhëtim nga veri në jug do të ndesheni me shumë ndryshime infrastrukturore dhe pjesa më e madhe e rrugëve janë autostrada. Gjatë gjithë rrugës do të ndesheni me shumë pika krburantesh ku mund të furnizoheni me karburant, si dhe të pini ndonjë kafe. Por, gjithmonë teksa drejtoni mjetin bëjni sytë “katër” ndaj ndonjë furgoni (minibus), këmbësori të guximshëm apo ndonjë lopë apo dele që mund të dalin një zot e di se nga ”, shkruan Lonely Planet.
(d.b/Monitor/BalkanWeb)
