Kandidati i partisë në pushtet në Turqi për kryebashkiakun e Stambollit, Binali Yildirim, ka shpallur fitoren në zgjedhjet lokale të mbajtura këtë të diel.
“Fituam zgjedhjet në Stamboll”, ka deklaruar Yildirim nga Partia për Drejtësi dhe Zhvillim.
“Falënderojmë popullin e Stambollit që na besuan detyrën”, shtoi ai.
Yildirim është bashkëpunëtor i ngushtë i presidentit aktual, Recep Tayyip Erdogan.
Më parë, ai ka shërbyer si kryetar i Kuvendit të Turqisë, por edhe si kryeministër i vendit.
Fitoren e tij nuk e ka pranuar udhëheqësi i partisë kryesore opozitare në Turqi, Partisë Popullore Republikane (CHP).
Kemal Kiliçdaroglu ka thënë se kandidati i CHP’së, Ekrem Imamoglu, ka fituar në Stamboll.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
