Turqia të martën dhe të mërkurën do të presë një takim për të diskutuar çështjen e sigurisë së Detit të Zi pas një armëpushimi të mundshëm midis Ukrainës dhe Rusisë, tha Ministria e Mbrojtjes.

Takimi në Shtabin e Forcave Detare në kryeqytetin Ankara, ku marrin pjesë përfaqësues ushtarakë të vendeve të huaja, do të diskutojnë planifikimin ushtarak detar për të ruajtur një mjedis paqësor në Detin e Zi, tha ministria në një deklaratë.

Pa specifikuar se cilat vende do të marrin pjesë, ministria tha se nuk do të ketë zyrtarë rusë mes përfaqësuesve të huaj ushtarakë.

Turqia po vazhdon përpjekjet e saj për t’i dhënë fund luftës Rusi-Ukrainë, e cila filloi në shkurt 2022.

Ankaraja i ka kërkuar Kievit dhe Moskës që t’i japin fund luftimeve përmes negociatave, me Turqinë të gatshme për çdo iniciativë, përfshirë ndërmjetësimin, për të hedhur bazat për paqen.

Turqia priti për herë të parë një takim midis ministrave të jashtëm rus dhe ukrainas në qytetin mesdhetar të Antalias në mars 2022.

Këto përpjekje çuan në marrëveshjen historike të drithit në Detin e Zi në vitin 2022, por Moska nuk e zgjati marrëveshjen pas korrikut 2023, duke përmendur kufizimet në eksportet ruse të grurit.

(A.A/BalkanWeb)