Një lajm i bujshëm qarkulloi sot në media, teksa shkruhej se është arrestuar kreu i Federatës së Futbollit të Kosovës, Agim Ademi. Gjithçka është mohuar nga policia, e cila thekson se sot një zyrtar është marrë në pyetje, ndërsa Ademi do të intervistohet nesër.

“Policia e Kosovës, sot në orët e pasditës ka intervistuar në stacion policor një person/zyrtar të Federatës së Futbollit të Kosovës, i cili pas intervistimit me urdhër të prokurorit është liruar”.

“Ndërsa raportimi në media për kinse arrestimin e kreut të FFK-së nuk qëndron dhe se nuk ka ndonjë urdhër arrest siç raportohet, por të njëjtit i është lënë një ftesë për tu paraqitur në polici për intervistim gjatë ditës së nesërme”.

“Të gjitha veprimet e mëtejme do të ndërmerren në bashkëpunim dhe koordinim me organet e drejtësisë” – Bën me dije Policia.

(BalkanWeb)