DURRES

Një 42 vjeçar ka rënë në prangat e policisë në Durrës për trafikim të lëndëve narkotike. Burime për Balkan Web”, bëjnë me dije se i arrestuari është Shpëtim Kajmaku, 42 vjeç i cili është dënuar  në vitin 2017 me 3 vjet burg . I arrestuari, banues në lagjen nr 17 në Durrës,  ishte shpallur në kërkim në vitin 2016, në aksin rrugor Fushë-Daç-Kepi i Rodonit, ku  pas kontrollit të policisë u sekuestruan 324 fidanë Canabis sativa.


“Vijon puna për kapjen e personave të shpallur në kërkim .


Një tjetër person i kërkuar për prodhim të narkotikëve vihet në pranga.


Seksioni për Hetimin e Narkotikëve në bashkëpunim me Forcat e Posaçme Operacionale në DVP Durrës , në vijim të punës për kapjen e personave të shpallur në kërkim, kapën dhe ndaluan shtetasin :
-Sh. K, 42 vjeç, banues në lagjen Nr.17 Durrës.

Kapja dhe ndalimi i tij u bë pasi Gjykata e Shkallës së Parë Durrës, në vitin 2017 e ka dënuar me 3 vjet e 17 ditë burg, për veprën penale “Prodhim dhe shitje e narkotikëve”

Ky shtetas ishte i shpallur në kërkim pasi në vitin 2016, në aksin rrugor Fushë Dac- Kepi i Rodonit, pas kontrollit të ushtruar nga ana e shërbimeve të Policisë në mjetin e tij tip Furgon janë gjetur dhe sekuestruar në cilësinë e provës materiale 324 fidanë të dyshuara Canabis sativa.

Materialet hetimore u referuan në Prokurorinë pranë Gjykatës së Shkallës së Parë Durrës për veprime të mëtejshme.”-njofton policia.

(Balkan Web)