Dy shqiptarë në Itali kanë rënë në prangat e policisë, pasi u kapën me kokainë. Gjatë veprimeve hetimore të kryera nga Policia italiane për të luftuar trafikun e drogës, u identifikuan dy banesa në lagjen Madonna di Campagna të Torinos. Këtu, pikërisht në dalje të godinave, pas një shërbimi të gjatë dhe të pandërprerë vëzhgimi, u ndaluan dhe u identifikuan dy shtetas shqiptarë të dyshuar.

Kërkimet e mëvonshme brenda shtëpive çuan në sekuestrimin, brenda banesës së parë, të fshehura me zgjuarsi në zgavrën e një rafti këpucësh, të katër mbështjellësve me kokainë, për 1.2 kg, si dhe një peshore precize dhe material të dobishëm për paketimin e drogës në doza.

Brenda banesës së dytë u gjetën të fshehura brenda një dysheku dy mbështjellës me 1 kg 25 gram kokainë, tre peshore precize, material i përshtatshëm për paketimin e lëndës narkotike dhe një sasi e konsiderueshme parash.
Dy burrat u arrestuan. Vlera e shitjes me pakicë e lëndës së sekuestruar, sipas kostove aktuale të tregut, do të jepte mbi 120 mijë euro.
(BalkanWeb)