Kryetari i PD në Pogradec Genti Çela ka publikuar në Facebook foton e tij nga brenda Komisariatit të Elbasanit, pasi u ndalua nga policia për protestën e mbrëmshme.

Çela shprehet se e ka kaluar natën në qeli. Ai tha se sapo është liruar, ndërsa shton se regjimi po vepron me metoda komuniste. Sipas Çelës, regjimi është në grahmat e fundit, por se do të përgjigjet shumë shpejt, madje me kamatëvonesë.

“Të dashur miq, sapo jam liruar nga komisariati i Elbasanit.

I ndaluar për protestën e djeshme së bashku me kryetarin e PL Pogradec, mjekun Gentian Çala dhe anëtarin e kryesisë së PD, z. Luan Tollozhina.

Dua t’u falenderoj të gjithëve për mbështetjen, telefonatat dhe mesazhet e panunërta.

Mënyrat komuniste të regjimit trembin e frikësojnë askënd.

E gjitha është vetëm treguesi i qartë i grahmave të fundit të një regjimi që mbahet në këmbë nga krimi që drejton dhe vendos deputetë, ministra dhe i jep oksigjen dikujt që ende vetëquhet kryeministër.

Për gjithçka do të përgjigjen një ditë, madje me kamatëvonesë.

Faleminderit nga zemra”, shkruan Çela.

(Balkanweb)