Ulet numri i beqarëve në kombëtaren shqiptare. ‘Bomberi’ Armando Sadiku është fejuar ditët e fundit të vitit që lamë pas duke konkretizuar dashurinë e tij me vajzën e quajtur Elona.
Ajo është shqiptare me origjinë nga Kosova e cila jeton në Gjermani dhe me profesion është dentiste. Sipas raportimeve sulmuesi i Legia-s me Elonën janë njohur në rrjetin social ‘facebook’ dhe lidhja e tyre ka mbetur e fshehtë deri në fundin e 2017-ës, atëherë kur çifti ka vendosur të kryejë edhe ceremoninë e fejesës.
Kujtojmë që gjatë fundjavës një tjetër futbollist i Kombëtares, Taulant Xhaka, i ka dhënë fund beqarisë me vajzën e njohur me emrin Arbnora.
(e.k/BalkanWeb)