E ardhmja e Maurizio Sarri ka pushtuar të gjithë faqet e para në mediat britanike. Ultimatumi i tij është i qartë: “Më shkarkoni tani”! Sarri nuk dëshiron që puna e tij të gjykohet vetëm nga finalja e Europa League kundër Arsenal, në program të mërkurën e ardhshme me 29 maj në Baku. Italiani kërkon të mbroj punën e tij, fundja me të drejtë, pasi arriti të rendis Chelsea në vendin e tretë në Premier League ndërsa arriti ta kualifikoj edhe në finalen e Europa League.
Sarri ka një kontratë me blutë deri në vitin 2021, e ka shprehur hapur dëshirën e tij, dëshiron të qëndroj te Chelsea: “Mua më pëlqen Premier League, më pëlqen të qëndroj te Chelsea”. Këtë deklaratë Sarri e ka shprehur në çdo rast kur pa pasur mundësi por drejtuesit e bluve kanë hezituar për ta konfirmuar. Gjithçka e ka një limit, edhe durimi i Sarrit po i vjen fundi, ky hezitim i klubit e ka tërbuar ish trajnerin e Napolit.
Me të drejtë Sarri kërkon një përgjigje nga klubi, fundja ofertat për të kanë vërshuar lumë, kërkon të dije se çfarë do të ndodh me të ardhmen e tij për të shqyrtuar më pas me qetësi ofertat. Juventus vijon të mbajë një sy hapur nga Anglia, në pritje për të kuptuar se çfarë do të vendosin Guardiola e Pochettino, dy preferencat e para, Sarri mbetet një alternative konkrete, për momentin opsioni më i mundshëm, gjithnjë nëse Chelsea vendos ta shkarkoj.
(BalkanWeb)