Në emisionin Open në “News 24”, analisti Mentor Kikia ka komentuar skandalin e shpërndarjes së mishit të kontaminuar me salmonelë. Ai theksoi se, edhe pse subjektet që merren me tregtinë e mishit janë të certifikuara, ndodhin edhe raste kur produktet e mishit prishet dhe zbulohen të kontaminuara, madje edhe në vende të Bashkimit Evropian. Sipas Kikias, problemi nuk është vetëm tek produkti i kontaminuar, por te mënyra si trajtohet ky rast.

Ai theksoi se kompania që shpërndau mishin duhet të ndëshkohet me një braktisje nga konsumatori. Për më tepër, ai u shpreh se shpallja e një njoftimi në media nga ana e kompanisë për të informuar konsumatorët është një veprim që lidhet me marrëdhëniet publike.

Ndërkohë, Policia ka shpallur në kërkim pronarin e kompanisë, A.G., për shpërndarjen e produktit të kontaminuar që ka çuar në probleme shëndetësore tek qytetarët.

Mentor Kikia: Subjektet që ne bëjmë tregti janë të certifikuara. Por mishi prishet edhe në BE. Zbulohen produkte mishi të prishur në çdo vend të botës. Problemi është sesi sillemi me rastin. Policia thotë se pronari A.G është shpallur në kërkim. Pasi ishte shpërndarë salmonela dhe e kishim ngrënë e doli se ishte ushqim i kontaminuar. Kompania duhet të ndëshkohet me braktisje nga konsumatori. Kompania del në TV dhe jep njoftim, kjo quhet marrëdhënie publike. Kështu ka ndodhur edhe në vende të Europës. Në vend të bashkëpunimit, njerëzit e kompanisë zgjedhin të fshihen.