Ushtria izraelite është tërhequr pas bastisjes që zgjati 48 orë nga qyteti Tulkarm në Bregun Perëndimor nën pushtim, raporton Anadolu.
Sipas informacioneve të marra nga dëshmitarët, ushtria izraelite u tërhoq nga qyteti Tulkarm duke lënë pas 5 të vrarë, shumë të plagosur dhe një shkatërrim të madh në infrastrukturë.
Gjatë periudhës 48 orëshe forcat izraelite shkatërruan me buldozerë rrugët kryesore, rrjetet e ujit të pijshëm dhe kanalizimeve, shkulën shtyllat e energjisë elektrike, shembën shtëpitë dhe bënë të papërdorshëm automjetet.
Forcat izraelite edhe dje u tërhoqën pas 30 orësh nga kampi i refugjatëve Al-Faria në qytetin Tubas.
Më 28 gusht, Izraeli njoftoi se në kampet e refugjatëve në qytetet Jenin, Tulkarm dhe Tubas në veri të Bregun Perëndimor të pushtuar, kishte nisur sulmin e tij më intensiv dhe gjithëpërfshirës të quajtur “Kampet verore” që nga viti 2002, kur u zhvillua “Intifada e Dytë”.
Që nga 7 tetori 2023, të paktën 670 palestinezë janë vrarë në sulmet e ushtarëve izraelitë dhe izraelitëve që grabisin tokat palestineze në Bregun Perëndimor të pushtuar dhe Kudsin Lindor.
