Jennifer Gates, vajza e themeluesit të Microsoft, Bill Gates, është bërë nënë për herë të dytë. Ajo ka sjellë në jetë një vajzë.

Në moshën 28-vjeçare, vajza e miliarderëve Bill Gates dhe Melinda French Gates, e bëri njoftimin përmes një postimi në Instagram ditën e sotme.

Jennifer ndau një imazh të ngrohtë të vajzës së porsalindur që flinte në krevatin e saj, me motrën e madhe, Leila, që e shikon me dashuri. Në mesazhin e fotos, ajo zbuloi emrin e vajzës, Mia, dhe njoftoi se erdhi në jetë në një datë shumë të veçantë – përvjetorin e tretë të martesës së çiftit.

Me kënaqësi ju prezantojmë Mia, dhurata më e mirë që mund të kishim kërkuar – shkroi Jennifer, duke shprehur emocionet e saj për këtë ngjarje të rëndësishme në jetën e saj familjare.