Lourdes Leon, një nga gjashtë fëmijët e Madonna -s, kohët e fundit foli për marrëdhënien me nënën e saj, duke zbuluar se ajo shpesh ndihej e “mbytur nga nevoja e nënës për kontroll”.
Në një intervistë që ka dhënë për revistën Interview, 26-vjeçarja ka treguar se kishte kërkuar pavarësinë financiare që në moshë të re, për t’i shpëtuar kontrollit të nënës së saj.
“Më duhej të isha plotësisht e pavarur nga ajo sapo mbarova shkollën e mesme. Nëna ime dëshiron shumë të ketë kontroll mbi mua. Ajo më kontrolloi gjithë jetën time”, tha fillimisht modelja.
Pavarësisht presionit që ndjeu, ajo e ka pranuar punën e palodhur dhe përkushtimin e nënës së saj, duke thënë se Madonna është “ndoshta punëtorja më e vështirë që kam parë ndonjëherë”.
Nga ana e saj, ylli i pop-it ka folur edhe për sfidat me të cilat është përballur gjatë rritjes së fëmijëve.
View this post on Instagram
“Unë jam përgjegjëse! Unë jam shefi!” ka thënë ajo, ndërsa në të njëjtën kohë ka pranuar se merr rolin e “policit të keq” dhe se është ajo që thotë “ jo ”. Pavarësisht reputacionit të saj si një njeri që kontrollon gjithçka, Madonna gjithmonë ka fuqizuar gratë e tjera, diçka që vajza e saj Lourdes e admiron tek nëna e saj.
