Familja e ish-nënkryetarit të Kuvendit, Vangjel Tavos, ka hapur dyert e mortit pas një tragjedia te rëndë, ku vajza e tij ka humbur jetën pas një aksidenti.

Mësohet se Eva, rreth 24 vjeçe, ka ndërruar jetë pas një aksidenti të rëndë në Maqedoninë e Veriut, ku edhe pse u transportua në spital, nuk mundi t’u mbijetojë plagëve.

Ishte vetë Vangjel Tavo i cili njoftoi lajmin e hidhur në një postim të bërë në Facebook.

“Këto janë fjalët më të vështira që shkruaj në jetën time. Vajza ime e madhe Eva u nda nga jeta në kulmin e rinisë, në moshën më të bukur, siç ishte edhe vetë ajo. Varrimi bëhet ditën e enjte, datë 30 nëntor, ora 11:00 në Jorgucat, Gjirokastër”, shkuan ai.