TIRANE- Valltarja Liljana Cingu, partnerja e përhershme e Rexhep Çelikut, në performancat e tyre në skenë ka treguar pengun më të madh të mjeshtrit të madh të valles shqiptare. Teksa mbahen homazhet në nderim të valltarit Çeliku, i cili i nda para kohe nga jeta për shkak të një sëmundje të rëndë, Liljana Cingu tregon emocionet kur atij iu dha dekorata “Nderi i Kombit”.

“Kur u nderuam unë dhe Rexhepi është me të vërtetë një nder për artistët. Unë e dija se Rexhepi me forcat e veta do ta merrte këtë nderim. Por ai iku, ka fluturuar lart, krenar, ashtu si me krenari në skenat brenda dhe jashtë vendit ka promovuar vlerat shqiptare. Ai e meritonte atë nderim.

Rexhepi ishte një histori për skenën tonë. Ai me të vërtetë ishte legjenda e valles shqiptare, një shqiponjë që fluturonte në skenë, në publik, kudo ai shkelte. Edhe gurët e sokakut sot po qajnë për Rexhepin. Por unë them: Rexhep të kam gjithmonë në krah dhe do të kërcejmë vallen e shqiptarëve. Unë e konsideroja Rexhepin si vëlla. Pengu më i madh i tij ishte që “vallja të mos të ndalet, të vazhdojë; dhe Shqipëria të jetë një shqiponjë ashtu siç ne e meritojmë”, u shpreh Liljana Cingu.

(el.sp/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb