GREQI
Presidenti grek, Prokopis Pavlopulos ka shprehur pakënaqësi ndaj palës shqiptare në lidhje me varrezat e ushtarëve grekë që ndodhen në vendin tonë.
Gjatë inagurimit të ekspozitës në Muzeun e Luftës të Greqisë me sende personale të ushtarëve grekë që kanë humbur jetën në luftën kundër fashistëve Italianë, gjatë periudhës 1940-1941, presidenti grek ka thënë se: “Fatkeqësisht për ushtarët tanë, e me përgjegjësi të Shqipërisë fqinje shumë prej tyre nuk u prehën siç e meritonte sakrifica e tyre supreme. Ka ardhur koha që Shqipëria , sidomos tani që synon të bëhet pjesë e familjes të madhe europiane, të ndryshojë qëndrim. Dhe është ngushëllues fakti që ka filluar të ndryshojë qëndrim, mjafton të vazhdojë deri në fund kështu, me rezultate pozitive”-theksoi ai, shkruajnë mediat greke.