ROMË

Policia e Romës ka kryer një aksion të madh antidrogë sot, duke arrestuar gjithsej 21 persona. Arrestimet janë kryer sot në mëngjes në kryeqytetin italian. Personat e arrestuar ishin nën hetim që në vitin 2017, ndërsa vetëm tanimë janë vënë në pranga.

Operacioni, nën drejtimin e hetuesit Michele Prestload dhe nga prokurori Nadia Plastina, ka përfunduar me sukses. Arrestet janë kryer në zonat e Torpignattara, Marranella, La Rustica, Acilia, Infernetto, Pietralata dhe Fonte Nuova shkruajnë mediat italiane.

Policia kreu bastisje në zonat ku shitet kokaina. Mes të arrestuarve është edhe Davide Barberis, trajner personal i kryetifozit të Lacios Fabrizio Piscitelli njohur me nofkën Diabolik, i vrarë para pak kohësh. Pika e kontaktit mes Barberis dhe klanit shqiptar, i cili së bashku me Piscitelli, menaxhuan drogën që tregtohej në Romën veriore, ishte Dorian Petoku, personazhi njohur për lidhjet që kishte me Arben Zogun dhe ish-shefin e  ultrasve lacialë Piscitelli.

Dhe hetimi, i cili çoi në arrestimet e sotme, u frymëzua pikërisht nga një kapje e madhe e kokainës që nxori në dritë figurën e Barberis. Ndër subjektet e prekura nga urdhri i kujdestarisë së paraburgimit, të lëshuar nga magjistrati i Romës, Costantino De Robbio, ka edhe elementë të spikatur të krimit romak, përfshirë Fabrizio Capogna, që i përkasin familjes së famshme Capogna, Gaetano Giuseppe Mazza, Sicilian, që banon në Kolumbi.

Ndër të arrestuarit është edhe figura e Luca De Dominicis, e njohur si “Zoppo”, dhe Davide Fedeli, furnizuesit e njohur të sheshit të tregut të drogës Rustica.

(d.xh/Balkanweb)