VENEZUELE

Udhëheqësi i opozitës së Venezuelës thotë se është gati të kapë pushtetin dhe po kërkon mbështetjen e ushtrisë për të bërë një grusht shteti kundër Presidentit Nikolas Maduro, pasi SHBA refuzoi të njohë legjitimitetin e mandatit të tij të sapozgjedhur gjashtë vjeçar.

“Shtetet e Bashkuara nuk e njohin pretendimin e paligjshëm të diktatorit të Venezuelës Nicolas Maduro për pushtet. “Zgjedhjet” e tij në maj 2018 u konsideruan ndërkombëtarisht si jo të lira, të drejta apo të besueshme, “përsëriti të premten, këshilltari i Sigurisë Kombëtare të SHBA Xhon Bolton në një deklaratë.

Për më tepër, SHBA përshëndeti “vendimin e guximshëm” të Presidentit të Asamblesë Kombëtare të vendit Juan Guaidó, i cili të premten deklaroi se ishte gati të merrte përsipër zyrën e presidentit.

Duke folur për publikun një ditë pasi Maduro u betua për një mandat të dytë, Guaido kërkoi një “mandat ndërkombëtar” dhe për ushtrinë që ta ndihmonte të merrte detyrën e presidentit.

“Duhet të jenë populli i Venezuelës, forcat e armatosura dhe bashkësia ndërkombëtare që na japin një mandat të qartë për të marrë” presidencën, tha Guaido në Caracas të premten.

Pas lutjes së udhëheqësit të opozitës, Bolton bëri të qartë se SHBA do të përdorë “peshën e plotë” të fuqisë së saj diplomatike dhe ekonomike për të promovuar “rivendosjen” e demokracisë venezueliane dhe për të kthyer atë që Uashingtoni beson të jetë një “krizë kushtetuese” vend.

Por Bolton nuk ishte i vetmi zyrtar i lartë amerikan që dha mbështetjen publike nga Guaido. Të enjten, Sekretari i Shtetit Mike Pompeo thirri udhëheqësin e opozitës për të riafirmuar mbështetjen e SHBA për Asamblenë Kombëtare Venezueliane si “institucioni i vetëm i ligjshëm” që mund të “rivendosë” demokracinë në vend.

Me mbështetjen e shprehur të SHBA, Asambleja Kombëtare planifikon të mobilizojë rezistencën më 23 janar për një tubim masiv anti-qeveritar.

 (BalkanWeb)