David Beckham u kritikua ashpër online për puthjen në buzë të vajzës së tij 12-vjeçare Harper Seven Beckham, gjë që shumë përdorues të mediave sociale e shohin “të papërshtatshme”.
Ish-ylli i futbollit ndau një video në Instagramin e tij ku shfaqet Harper duke aplikuar grim në fytyrën e tij teksa po bëhej gati për shfaqjen e Javës së Modës në Paris të Victoria Beckham.
Disa përdorues shkuan në X (Twitter) për të shprehur shqetësimet e tyre dhe për të kritikuar Davidin për puthjen në buzë me vajzën e tij.
“David Beckham kjo është e gabuar në shumë mënyra. @victoriabeckham bëhu nënë dhe shpjegoji pse kjo është e gabuar,” komentoi një përdorues në video.
Një tjetër shkroi: “Unë i kam mbështetur Beckhams vite më parë për këtë, por tani është thjesht e gabuar. Ajo nuk është më një foshnjë e vogël. Ajo është pothuajse një adoleshente, një zonjushë.”
Kjo vjen vetëm katër muaj pasi David Beckham ndezi polemika duke i dhënë Harper një puthje gjatë koncertit të Harry Styles, një foto të së cilës ai e postoi më vonë në rrjetet sociale.
SHOWBIZZ
