Një aksident ka ndodhur këtë të diele ne fshatin Fishtë të Lezhës. Një furgon është përplasur me një mjet tjetër tip Golf, në aksin dytësor qe lidh fshatin Fishte me autostradën Lezhe-Shkoder.

Burime në vendgjarje bëjnë me dije se i plagosur ka mbetur vetëm drejtuesi i furgonit i cili si pasoje e plagëve është transportuar në spital, ndërkohë që në automjetin tip Golf me drejtues një prift nuk ka pasur lëndime.

Dyshohet se shkak i aksidentit ka qenë humbja e kontrollit nga ana e drejtuesit të makinës tip ‘Golf’, duke shkaktuar përplasjen e fortë me furgonin.

Policia ndodhet në vendngjarje për zbardhjen e plotë të rrethanave të këtij aksidenti.

(BalkanWeb)