DEVOLL
Eskorta e qeverisë ka arritur të kalojë pa asnjë problem pengesën në aksin rrugor që lidh Korçën me Bilishtin.
Forca të shumta të policisë si dhe FNSH-ja bën të mundur “frenimin” mbështetësve të opozitës, të cilët për më shumë se një orë qëndruan në pritje të mbërritjes së eskortës së shefit të qeverisë, i cili po vijon punën për fushatën elektorale të 30 qershorit.
Në momentin e kalimit, mbështetësit e opozitës qëlluan me bidonë të mbushur me ujë në drejtim të makinave, por gjithçka u mbyll këtu dhe nuk u raportua për ndonjë incident.
Pak çaste më parë, në këtë aks pati një përplasje verbale mes zv.drejtorit të Policisë së Shtetit dhe ish-deputetit demokrat, Ervin Salianji, i cili ishte në mbështetje të qytetarëve. Ata tentuan t’i bllokonin rrugën kryeministrit Rama, por ky i fundit vijoi normalisht rrugëtimin drejt fushatës së radhës në Devoll.
(n.m/BalkanWeb)