Në krah të kryetarit të Dhomës së Përfaqësuesve, Mike Johnson, zv/presidentja në detyrë e SHBA, Kamala Harris certifikoi fitoren e Donald Trump si president i ardhshëm i SHBA. Seanca u mbajt në Kapitol këtë të hënë, 6 janar 2025. Sesioni i Kongresit amerikan u kryesua nga zv/presidentja demokrate e cila humbi garën e 5 nëntorit përballë Trump.
Pavarësisht nga humbja, Harris iu përmbajt protokollit dhe në momentet kur lexonte emrin e Donald Trump buzëqeshi, teksa anëtarët republikanë të Kongresit duartrokitën dhe brohoritën vërtetimin e fitores së presidentit të zgjedhur.
Rituali 4-vjeçar, që i hap rrugë inaugurimit të Trump pas 2 javësh, ishte në kontrast të fortë me 4 vjet më parë, kur turma e mbështetësve të Trump sulmuan Kapitolin në një përpjekje të dështuar për të bllokuar certifikimin e humbjes së presidentit të atëhershëm, Trump, në vitin 2020 dhe fitoren e Joe Biden. Trump vijon ende të pretendojë se humbja e tij në vitin 2020 ishte rezultat i mashtrimit dhe kishte paralajmëruar gjatë fushatës së 2024 se ai kishte shqetësime të ngjashme deri në humbjen e Harris në 5 nëntor.
Harris bëri thirrjen e shteteve gjatë rolit të saj ceremonial të zv/presidentit si president i Senatit. E njohur për buzëqeshjen e saj dhe sjelljen optimiste në daljet publike, Harris dorëzoi certifikatat e votave elektorale për çdo shtet për Trumpin dhe veten e saj.
“Sot ishte padyshim një ditë shumë e rëndësishme dhe kishte të bënte me atë që duhet të jetë normë dhe atë që populli amerikan duhet të jetë në gjendje të marë si të mirëqenë, që është se një nga shtyllat më të rëndësishmë sonë është se do të ketë një transferim paqësor të pushtetit”, u tha Harris gazetarëve në Kapitol. “Unë besoj shumë fort se demokracia amerikane është po aq e fortë sa gatishmëria jonë për të luftuar për të”, vijoi ajo.
Katër vjet më parë, zëvendëspresidenti i atëhershëm Mike Pence duhej të kryesonte seancën e certifikimit të fitores së Biden. Në vitin 2001, zëvendëspresidenti i atëhershëm Al Gore pati të njëjtin tension pas një beteje të ashpër mes tij dhe Xhorxh W. Bush që përfundoi pasi Gjykatës së Lartë të SHBA përfundimisht iu desh të ndalonte sfidat ligjore, duke çuar në shpalljen e Bushit si fitues.
Sot, i ulur në dhomën e Dhomës ishte senatori JD Vance, fitorja e zëvendëspresidentit gjithashtu u vërtetua nga Harris. Vance qëndroi dhe shtrëngoi duart me anëtarët e dhomës kur u shpall totali i votave të tij elektorale.
(BalkanWeb)
