Policia ka publikuar pamjet nga mega operacioni anti-droqë në Tiranë. Drejtori i Policisë së Tiranës Tonin Vocaj, njoftoi në një deklaratë për shtyp pak më parë, se nga 24 urdhër arreste, janë arrestuar 19 persona, mes tyre edhe Armando Xheladini, i arrestuar në maj për “Vrasje me dashje” për një ngjarje të ndodhur në Greqi në 2008.
Ai njoftoi se pesë persona janë ende të shpallur në kërkim ndërkohë që po vijon puna për kapjen e tyre.
Personat e arrestuar shpërndanin drogë në shkolla dhe ambiente te frekuentuara nga të rinjtë.
BalkanWeb ka siguruar emrat e 19 personave të cilët kanë përfunduar në pranga.
Bëhet fjalë për shtetasit:
Kevi Hida, Durim Kurti, Orterio Vila, Hamza Firi, Florjan Gjuta, Vasjan Xhaferllari, Armando Xheladini, Osman Idrizi, Ledio Koçi, Mariglen Kushe, Kevin Hoxha, Rezart Maqellara, Matias Selmani, Ramazan Shima, Denis Guci, Rudina Dajlani (Sopoti), Elvira Bushaj, Ardi Shehu, Brisea Kallushi.
Ndërkohë pesë persona të tjerë janë ende në kërkim.
(BalkanWeb)
