Një grua po lufton për jetën pasi u zu poshtë nga një grumbull tullash që ranë nga vinçi pesë kate lart.
Në pamjet filmike duken grumbulli i tullave i rënë mbi gruan e shtrirë në trotuar dhe këmbësorët e rastësishëm që shkuan ta ndihmojnë.
Ngjarja ndodhi në lindje të Londrës në zonën e quajtur Mile End. Mjekët thonë se gruaja u shtrua menjëherë në spital me plagë të rënda pas incidentit të ndodhur pranë një pallati që po ndërtohej.
“Ishte një ngjarje e frikshme, të gjithë u afruam ta ndihmojmë, edhe njerëzit edhe punëtorët e pallatit,” tha një dëshmitar.
(e.f/BalkanWeb)