Penalltia e dyshimtë e akorduar në ndeshjen e “Champions League” që kualifikoi Realin në kurriz të Juventusit vazhdon të prodhojë reagime të ndryshme dhe nga më interesantet.

Kanë qenë tifozët e Interit ata që në ndeshjen e luajtur mbrëmë kundër Cagliari-t në “San Siro” kanë vënë në lojë portierin e Juventusit, Gianluiggi Buffon.

40-vjeçari ishte njeriu simbol i protestës në Madrid pasi jo vetëm që u ndëshkua me të kuqe nga gjyqtari anglez Oliver por edhe e cilësoi atë si ‘një njeri të pandjeshëm që në vendin e zemrës ka një kosh plehrash’.

Tifozët e Interit, në një moment kur ndeshja ishte në favor të zikaltërve me rezultatin 3-0 dhe arbitri nuk akordoi penallti pas një prekje të topit me dorë, nisën të këndonin “oh, insensibile”, në shqip i pandjeshëm.

Video e filmuar gjatë këtij momenti po bën xhiron në rrjetet sociale.

(e.k/BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: