Liverpool është siguria e vetme pas pesë javëve të para të Premier League. Skuadra e Jurgen Klopp I shtoi fitoren e pestë radhazi serisë së saj rekord në këtë sezon, pas përmbysjes spektakolare 3-1 që I bëri Newcastle.

“Reds” po ecin me një shpejtësi marramendëse drejt titullit kampion mbi të gjitha falë treshes së frikshme të sulmit Mane, Salah dhe Firmino. Me golat e tyre, ata i lejojnë Liverpool të kryesojë me pikë të plota dhe i shkëputur me një distancë sigurie nga ndjekësit më të afërt dhe rivalët kryesorë të Manchester City.

Premier League
Premier League

Kampionët në fuqi të Premier League dhuruan suprizën më të madhe në javën e pestë, pas humbjes 3-2 në fushën e Norwich.

Të besuarit e Pep Guardiolës bën një paraqitje shumë larg pritshmërive, teksa ranë në kurthin e të zotëve të shtëpisë që në fund morën një fitore të madhe. Ndjekin në renditje me një ritëm të njëjtë Tottenham dhe Manchester United.

Londinezët e kishin gjithçka të lehtë në fitoren 4-0 kundër Crystal Palace, që u dorëzua që në pjesën e parë.

Te fitorja u kthyen edhe “Djajtë e Kuq”, që me 11-metërshin e kthyer në gol nga Rashford mundën 1-0 Leicester. Nuk zhgënjeu në javën e pestë të Premier League as Chelsea. Blutë e Londrës kaluan 5-2 transfertën kundër Wolves, duke konfirmuar zbulimin e madh të sezonit.

Bëhet fjalë për Tammy Abraham, sulmuesi i ri që shkëlqeu me tre gola në sfidën e fundit. Ka harruar të fitojë Arsenali, që barazoi 2-2 në fushën e Watford.

Aubameyang nuk mjaftoi për “Topçinjtë” që kanë grumbulluar vetëm dy pikë në tre ndeshjet e fundit të kampionatit.
(balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb